Benavente en el siglo XII. El concilio de Fernando II de 1181

El rey Herodes y su armiger. Detalle de la portada sur de la iglesia de San Juan del Mercado de Benavente

1181, marzo 25. Villalpando. 

Nuño Peláez y su mujer Alda dan el castillo de Courel a Pedro Fernández, maestre de la Orden de Santiago, y a sus freires. 

B. TML, lib. 1, d. 24, págs. 31-33.
C. SML, leg. 4, n. 25 (de B, copia del siglo XVIII).
ED. J.L. MARTÍN RODRÍGUEZ, Orígenes de la Orden Militar de Santiago, Barcelona, 1974, doc. 121.
La copia lleva fecha 1176, que no puede aceptarse por mencionar el concilio de Benavente, de principios de 1181, año al que sin duda corresponde este documento (v. MARTÍN, art. cit. y documento 122).

In nomine sancte et individue Trinitatis. Patris et Filii et Spiritus Sancti. Amen. Fida memorie custos es scriptura, hec enim antigua innovat, innovata conservat et ne posterum noticie oblivioni tradantur presentat; idcirco ego Nunno Pelagii, grato animo et libera voluntate, nec in aliquo coactus nisi sola Dei miseracione, facio testum donationis et confirmationis a quodam castello meo qui dicitur Corel, venerabili domno Petro, militum Sancti Iacobi magistro devotissimo et successoribus suis et universis fratribus, tam presentibus quam futuris, Deo et prefate domui Sancti Iacobi servientibus, hanc donationis paginam unam cum uxore mea domna Alda et cum filiis meis imperpetuum valituram facio. In primis, pro amore Dei et animarum nostrarum remedium et ut patribus et matribus nostris et universis parentibus nostris defunctis ad animarum suarum prosit medelam et nobis futuram proficiet ad salutem, prefatum namque castellum dono et concedo Deo et predicto magistro et fratribus suis cum omnibus terminis suis tam novis quam veteris, villis et ecclesiis cum fontibus seu et montibus, cum rivis et molendinis, cum pratis et pascuis, cum ingressibus et regressibus et cum omni iure quod pertinet et sibi pertinere dinoscitur.

Hanc namque donationis cartam post domini regis F. et nepotis sui regis domini A. pascem et concordiam et post Veneventi concilium quo maxima pars regni sui pontificum seu et ecclesiarum prelatorum ceterorumque regni sui illustrium ac nobilium virorum conventum una cum domino rege F. habere dinoscitur, quo maximam donacionis sue partem cassari voluit, ut nostrum firmum et stabile et inviolatum permaneret donum fieri decrevi. 

Facta carta donacionis in Villa Alpandi, era Mª CCª XIIIIª et quod VIIIº kalendas aprilis.

Si quis tamen, de nostris vel de extraneis, hanc cartam irrumpere voluerit, sit maledictus et excomunicatus et cum Iuda proditor dampnatus in inferno, et domino regi X milia morabitinos persolvat, et donum imperpetuum permaneat et in(conc)cussus. 

Ego namque Nunno Petri Pelagii et uxor mea dompna Alda et filii mei, cartam quam fieri iussimus, propriis manibus roboramus et confirmamus et hec signa facimus.

(1ª col.) Petrus, Dei gratia compostellane sedis archiepiscopus ts., Iohannes, lucensis episcopus ts., Guido de la Garda, magister Milicie Templi ts., Petrus de Areis, prior Hospitalis, ts., Dominicus, abbas Beati Ysidori ts., Pelagii de Lauro, archidiaconus, ts., Menendus, ovetensis archidiaconus ts., Ferrandus Roderici, castellanus, maior in regno ts., comes urgellensis ts., comes Velascus ts., comes Gomez ts. 

(2ª col.) Comes Alfonsus ts., comes Ferrandus ts., comes Rodericus ts., Guter Roderici ts., Rodericus Lupi ts.