Benavente en el siglo XII. Una donación al monasterio de Sahagún de 1184

Área de las calles San Miguel y Santa Clara de Benavente en una fotografía de 1960

1184, diciembre, 16.

Pelayo Peláez y su mujer Lupa, junto con sus hijos Pedro, Marina y Burguesa, donan al monasterio de Sahagún la heredad que tienen en Benavente constituida por lo siguiente: unas casas situadas en la colación de San Miguel, un huerto, tres viñas en Valcarrero, otras dos en Valle Oscuro y otra en el camino de Astorga. Añaden, además, una heredad que tienen en Morales del Rey que comparten con Fernando Petri de la Ponte.

AHN, Clero, 903-1

ED. J.A. FERNÁNDEZ FLÓREZ, Colección diplomática del Monasterio de Sahagún, V. IV (1100-1199), León, 1991, doc. 1414; R. GONZÁLEZ RODRÍGUEZ, “Documentos para la historia de Benavente durante el reinado de Fernando II (1157-1188)”, Brigecio. Revista de Estudios de Benavente y sus Tierras, 3 (1993), pp. 229-250, doc. 19.

(Christus) In nomine Patris et Filii et Spiritus Sanctui, amen. Quoniam ea que cum labore et dificilius adquiruntur, sine labore et facilius amittuntur. Idcirco, ego Pelagius Pelagii, una cum uxore mea Lupa et consensu filiorum meorum Petri, uidelicet, et Marina atque Burgesa, timore Dei compunctus, pro remedio peccatorum nostrorum et parentum nostrorum, dono et offero sanctis martiribus Facundo et Primitiuo hereditatem meam quam habeo in Benauento de meo lucro et de mea ganancia; id est, casas meas que sunt in collatione Sancti Micaelis, inter casas Pelagii Monazino et inter casas Mioruillido, qui fuit mulier Didaci Petri; et ortum qui fuit de don Donat, qui iacet circa Raimundo Iohannis; et tres uineas in Ualle Carrero; et duas alias, in Ualle Oscuro; et aliam uineam, in carrera de Astorga. Adicio, eciam, huic donationi hereditatem meam quam habeo in Morales de Rege cum Fernando Petri de la Ponte, id est, terras, ortos, cum exitu et regresso ad montem et ad uallem et ad riuum, cum domibus eciam et cum omnibus ad eandem hereditatem pertinentibus. Ego, igitur, Pelagius Pelagii, una cum predicta uxore mea et prenominatis filiis meis, has omnes hereditates quas su[pra] nominaui, iam dictis sanctis martiribus Facundo et Primitiuo, offero, dono atque concedo; ut ab hac die et deinceps iuri meo sint abstracte, et dominio sanctorum martirum Facundi et Primitiui perpetuo sint mancipate, et abbas et conuentus eiusdem monasterii faciant de eis sicut de rebus suis quicquid uoluerint.

Si quis, autem, tam de mea quam de aliena progenie cuiuscumque fuerit conditionis, hoc meum factum firmiter stabilitum irritum facere uoluerit, sit maledictus et excomunicatus et cum Iuda traditore in inferno dampnatus, et pectet in coto abbati Sancti Facundi C morabetinos et triplet ipsam hereditatem in tali uel in meliori loco.

Facta karta era Ma CCa XXa IIa, XVII kalendas ianuarii. Regnante rege Fernando in Legione et in Gallecia. Maiordomus regis, Rodericus Lepi. Alfiaraz regis Rodericus Fernandi. Guterio Roderici tenente Benauentum. Dominico Iohannis maiorino in eadem uilla. Alcaldes eiusdem uille:

(1ª Col.) Fernandus Petri conf. Bartolumeus conf. Petrus Martini conf. Iohannes Petri conf.

(2ª Col.) Roderico episcopo Ouetensi habente ius episcopale in Benauento. Auditores et confirmatores. Petrus Monazino conf. Rodericus Micaelis conf.

(3ª Col.) Fernandus Cotan conf. Petrus Uicencii conf. Sthepanus Petri conf.

(En dos líneas inferiores) Ego Pelagius Pelagii, cum uxore mea Lupa et filiis meis prenominatis, hanc kartam quam fieri iussi propia manu roboro et confirmo et signum roborationis (signum) initio.